En français

Quand le soleil embrasser la terre de l'obscurité ..

. A l'aube d'un nouvel espoir trompé ..

Et les gens qui Idols ..

Vtaathol minimum demandé pour financer cercueil en bois

dlld.mp3

بتلف الدنيا بينا

ساعات بنتالم وساعات بنستسلم بس الاكيد مع كل جرح لازم بنتعلم

أحنا اتخلقنا فالحياة عشان نعشها

مهما تكون فينا الجراح لازم نحوشها

ومش كل سكة حنمشي فيها الشوك حيفرشها

يارا

فيلم "أحلام حقيقية"

انا جوايا ضلمة محتاجة نور...

انا جواياي ضلمة محتاجة نقطة نور ...

لو فضلت تدور فيها ..

مش حتلاقي حاجة ...

مجرد قطة سودا عامية جوه أوضة ضلمة ... ومن غير باب.. وبدور علي سبيل للهروب..

أنا جوايا ضلمة ... انا جوايا قطة ... وانت جواك النور

خلف وجهي مسخ

انهاردة غير أي يوم ..... بجد,,

انهاردة اليوم العاشر ... اتكلمنا ... حسيت بحنين .. و كنت فاكرة ان قلبي لسة حيقول كلام حلو زي زمان

لاقتني مسخ .. بتكلم كمسخ وبعبر عن مشاعري كمسخ و بقولوا كلامي بصوت المسخ وكويس انه مسمعش ... متهيألي دي أخر مرة يتفتح بينا حوار لانه أكيد مش حيحب يسمع كلام المسوخ ... اتكلمت معاه فوقت مكنتش فاكرة أي حاجة حلوه ... كنت بفكر فألم المعاناه مع الوحدة .. لما تلاقي نفسك لوحدك والكون كلوا ضيق ...اكيد حكون مسخ دميم كلامي بدون ادني مشاعر... لأي حد؛ مجرد كلام بينظموا العقل كحائط صد للدفاع عن اي شىء كرامتي ... خوفي ... معاناتي. الحقيقة معاناتي زادت لما حبيت أحس اني قريبه منه فتحت صورة أشوفها افتكر بيها اخر مرة اتصورنا .....أخر مرة ضحكنا من قلبنا بجد ...أخر مرة كنت قريبه منه اوي وأحر مرة لبس القميص اللي بحبه .. وكلنا وشربنا مع بعض .لاقيت الصورة أتحولت زي الجرح المحفور فقلبي سواد تايه فيه الوشوش ممسوحة شوفت فيها الخوف من بكرة..

تصوري لديوان الاسيرة

من نظرة عين

أنهاردة .. كان يوم عجيب ... الحقيقة السنة دي غريبة اوي ... خلعت اللي بحبه فأولها وانهاردة سحرتني عيون اللمعة فيها غريبة ...
صدقوني ... بجد لمعت عنيه ,, كانت غريبة ,, كنت فكرة الإضاءة هيي السبب .. حاولت اركز فالعيون بس لاقيتها فعلا بتلمع هتي والضوء من وراه ...
أتسحرت ,,,
رحت لثواني فغيبوبه ,,, كل حاجة سودة والضوء طالع من عنيه ... لمعتها بتبرق اوي زع عيون الأطفال وهي عايزة تنام او تعيط ...
بجد شكرا لانك بعثت فنفسى السعادة من اول ما لمعت عنيك ...
مش عارفة أيه حصلي ...

مش عارفة احدد ايه ,, عايز يتقال بس

من نظرة عين
شوفت أمل كان متخبي ,,
حسيت بحب جواياي
للدنيا اللي بتلمع
للدنيا اللي عشت فيها
ساعة فلمعة عنيه
حبيت الحلم الخاطف
فثواني فوقت منه
علي ضحكته المجلجلة
و أفيه مش عادي حكم
و فلمعة عنيه سرحت ..
تاني
و جريت نفسي براه
لأني خفت ادوب من لونها البندقي ..
معرفتش اخدها معايا
بس لاقتها اتحفرت
مقدرش ابدا انسي لمعة عنيه.

لهذه الأسباب خلعتُ "......"

بداية .. الكثير من من يدخلون مدونتي يعرفون قصة حبي العاصفة التي لازالت فعلا عاصفة بي بكل المقايس فقد كانت عيني تري ما تراه يجب أن يُري ...

كانت البداية 13-12-2006أول مرة شوفتوا

و اخر مرة شوفتوا 25-12-2007 أخر مرة شوفتوا

و اخر مرة سمعت صوتوا كان 1-1-2008

انا ححكي

القصة بحيادية عشان كان ديما تهمتي اني بلاقي مبررات ...

ابتدت الحكاية اني حبيته من قبل ما اشوفوا وبعدين طلعت حبيتوا لاني شوفتوا بس لا انا ولا هو نعرف اننا شفنا بعض قبل ما نحب بعض ..

حبيته بعد ما حسيت من جوايا أوي انه حد مختلف عن البشر العاديين ... و مرت الايام أتقابلنا فالسنة دي حوالي 19 مرة فكل مرة كان بيتاكد لي ان الدنيا أبتسمتلي ... و بعدين انا بصراحة شخصية متعبة .. اكيد كنا بنتخانق هو بيغلط وانا بغلط بس اكتر شوية ... مقدرش يفهم اني كنت قبلوا أو بمعني اصح قبل ما اعرفوا بخمس سنين كنت ست وراجل فنفس الوقت ... كان جوايا الأتنين لما ظهر هو فحياتي حاولت ألغي الراجل عشان يبقي هو الراجل الوحيد ... و تقريبا معرفتش .. المهم قررت أكون أنثي زي ما هو بيرسم فخيالوا ...و غالبا معرفتش أترسم ...

مرت الايام وبدأت المشاكل تزيد ... كا يقولي " تشتغلي ليه وتوجعي دماغك وتقرفي روحك ليه متعشيش حياتك و تعيشي سنك ... و كمان لازم تخسي مفيش جواز من غير ما تخسي ... وكمان يا ريت تخلي بالك من الناس اللي بتعرفيهم مش اي حد كدة تكلميه ... ولما كنت بقابل ناس لأول مرة و يلاقيني متفاعلة معاهم ... يقولي اكيد تعرفيه قبل كد ة ... طب ما انا لو اعرفهم كنت قولتلك حخاف من ايه ... اللي بيحب حد مبيخفش منه "" مفهمش دي 1"

مش قادرة أخس لأني بحب الأكل .... قالي يعني بتحبيه أكتر مني ... ""مفهمش دي 2" لاني بحبه اكتر من اي حاجة فالدنيا .... بس مفهمش ان الأكل دا مشكلة مش حب بمعني حب ...

متخرجيش انهاردة ... ليه .. كدة هو كل يوم خروج ... حاولت أقنعوا اني بشتغل بقالي فترة وعايزة أتفسح .... بردوا لأ "" مفهمش دي 3" بالرغم من أني فعلا كنت محتاجة أخرج ...

مش انا عملت صورة جديدة ... بجد وريني .. أهي ... ايه القرف دا ... قرف ...دا اي حمار يعرف يعملها ..."""مفهمش دي 4 " مش فاهم انه كان ممكن يقولي مش حلوة كان ممكن لو عملتي كدة يبقي أجمل بس كبداية حلو ...

نجحت ...مبروك .. انا مبسوطة ... يا رب ديما ... حنحتفل ...اكيد ...."و ادي وش الضيف من شهر لحد يوم ما أتطلقت وخلعتوا وانا مستنية " مفهمش دي 5 " مفهمش ان النجاح عندي كان عشان أتفرغلوا بدل ما انا مشغولة بحاجتين حيبقي هو لوحدو شغلتي وحرعاه.

فجاة احنا حنضطر منعش فالقاهرة وحنعيش فبلدي ... معنديش مانع ... مش حنخلف علي طول ... من عنيا .... فرحنا فبلدي عشا الناس توجب ...دي حاجة بسيطة .. مفيش شغل بعد الجواز ... حتبقي أنت شغلتي ,,, كل دا وانا فعلا مكنتش متضايقة من اي حاجة وكنت سعيدة انه بيطلب حاجات يمكن ان نتنازل عنها دون مشاكل مع ان موضوع الشغل دا كان قالقني بس كون اني اخدموا فبيتي دا كان اهم من أي حاجة .. ""مفهمش دي 7" بس لازم نتجوز فشقة كويسة وتكون واسعة ودخلنا فالشهر ميقلش عن مبلغ خزعبلي ... ويكون عندي عربية ... و ان شغلي يبقي احسن من دلوقتي هو قالي كدة وانا من ساعتها ابتدي السواد يزيد فافكاري ... وحسيت ان الدنيا مش لذيذة .. قولت اطنش واعمل نفسي مش متضايقة وقلتلوا ربنا يحققلك كل اللي تتمناه ....

بعد الرغي الكتير اللي فوق قررت أخلعوا ... لأنه

1- شكاك

2- بيقلل من قيمتي العملية

3- مبيعترفش بنجاحاتي

4- مبيعرفش يهتم بيا

5- شايف نفسه فوق الجميع

6- بيعند كتير اوي زيادة عن اللزوم ود ا أساس المشكلة

7- معرفش يحبني .. صح

أسفة علي كل الم سببتوا ليك ... واسفة ليا علي كل الم سببتو ليا وكل وجع وجعتوا لقلبي عالفاضي ...

وتوصلت لأن الأختيار الصح مش بالعقل بس ولا بالقلب بس لأ المفروض انك تحب بالأتنين و محدش يتنازل عشان حد أحتمال يطلع ما قَدرش صح ودا متاح جداً...

أكتشفت ان الحب عشان يعيش مينفعش نتنازل كتير لأننا فالأخر مش حنلاقي حاجة فاضلة عشان نحافظ علي حبنا ...

لهذه الأسباب خلعتُ"...." من أحب