قطرة عطر كفك

بتمد كفك ... منتظر أمد إيد
بتمد كفك ..و فعنيك نظرة أمل نرجع
... أتأخرت لما فكرت تبعد
و اتاخرت تانى لما يوم جابك الشوق
و قالك أني ممكن ارجع ..؟
ناسيت كل اللي عدى و كل الي فات فلحظة غضب
...قفلت الباب و الشباك ...
و فضلت تحت ضى اللمبة الصفرا بتفكر..
و فاديك اخر سيجارة فعلبتك و الورق مبعتر قدام عنيك
...هنا جواب كتبتهولك بدمع عيني
و هنا قلب رسمتهولك علي ورق الكراس
و هنا ميدلية .. و هنا منديل اتكتب عليه
لأ للفراق
....
جاي دلوقتى تمد أيدك ..و تقولى ننسي اللي فات
انسى عمر و وقت كان أجمل زمان ...
و كل ركن و كل شارع شاف حبنا ...
وهنا عالنيل التقينا ... و فوق البرج اتمنينا نكون لبعض ..
طب أنسى ايه ولا أيه ..
بتمد كفك منتظر أمد ايد هم الأموات بيتحركوا
...و لا كمان الهم خلاك عميت
انا خلاص من بعد هجرك أنتهيت .. و لا مالموت فيوم حرجع .... لأني خلاص سكنت دنيا فيها الكل بيمد إيد