إلي من يخلقون المأساة ليعيشوا معاناه لن تنتهي....
جوه الجردل
جوه الجردل مش غريبه أنك تكون جوه الجردل ..و مش غريب انك تغرق وتقب وتصارع عشان تعيش و مش غريب أنك تسأل نفسك ليه أتوجدت جوه الجردل مش براه ... كلها أسئله طبيعيه ومن حقك ..اللي مش من قدرتك أو من حقك أنك تخرج بره الجردل لأنك أصلا متوجدتش جواه بأردتك و بما أنك جيت للجردل من غير ما تتسأل و حتفضل جواه من غير ما تتخير و حتخرج منه بأرادة اللي حطك فيه فأنا رأيي تعيش علي الوضع و مترفضش وتشجب وتندد .. لانك من كتر المهاتيه حتضعف وحد تاني حيطلع عليك عشان يكمل الديره اللي ما بتخلصش...... و تكون أنت مجرد ذكري عفنت فقاع الجردل....
أهداء مني لكل حد زهقان من خنقة الجردل
أهداء مني لكل حد زهقان من خنقة الجردل
مرسلة بواسطة امرأة من عبير الورد @ ٤:٢٩ ص
3 تعليقات:
الأخت العزيزة التى استقت منى فكرة البوست التى استقيتها من واحد صاحبنا الذى استقاها من اى حنفية بقى.. بصى يا طنط الموضوع ان الجردل غير ارادى و ايضا التساؤل غير ارادى و الا مكنش اللى خلق الجردل قلك انك هتساليه فى يوم مالايام شئ طبيعى جدا انك تتشغلى بيه و الا تبقى مجرد الة اكل و شرب و تناسل و اخراج زى الأنعام ,اتمنى ان نهتدى جميعا لموقف يريحنا نسبيا من حين لاخر
مش اي حد يفهم معنى هذة التدوينة بالذات
ما انا بقول اننا جينا بأردته وحنعمل أرادته و حننتهي بأرادته لأان كل شئ بأرادته قالك الصح و أمرك بيه و قالك الغلط و نهاكي عنه عشان تعرفي تعيشي فالجردل..فمنعترضش بقي عشان مش مجال أصلا أنك تعترضي ؟؟؟؟ فكري أزاي تقدري تعيشي جوه الجردل من غير ما تكوني فريسه أو تكوني بمخالب تخربش..... المهم تعيشي فالحيز المتاح لأنه ~أمر واقع ., وهروبنا للقاع مش حل... اللي عمل الجردل لعلمك مستني نتيجة أمتحان هو حاطط نفسه فيه .. و حاطك أنتي وسيلة نجاحة ... فهماني
إرسال تعليق
الاشتراك في تعليقات الرسالة [Atom]
<< الصفحة الرئيسية