ثاني قطرة عطر....!
لو مقدرتش تضحك
هذه هي الحياة أنك تتنازل عن متعك
الواحدة بعد الأخرى حتى لا يبقي منها شيء وعندئذ تعلم أنه قد حان وقت الرحيل
مقولة جميلة جدا قالها نجيب محفوظ في ساعة من ساعات التجلىمعناها بالنسبه لىَّ موضحش غير بعد ما تنازلت عن أول متعة فحياتى
المهم..... كتير بنشوف وشوش بتضحك ... و كتير بنشوف وشوش بتضحكنا ووشوش بنضحك عليها
وبسأل كتير أيه اللي ممكن يخلينا نضحك من جوانا قوى؟؟؟
او بمعني أصح بنفس
كتير ببقي عايزة أضحك ... و أضحك فعلا ... وقوى لكن دموعي بتكون أقوي فتبتدي عيوني تدمع و تدمع لحد متخرج من حبستها
و ابكى وأضحك حزن وفرح ...!
كتير بنضحك قوي ونقول احنا ضحكنا من قلبنا و بيكون نفسنا نبكي و نصرخ من ألم متخبي و متضفر جوه القلب
و ساعات تكون حتموت وتبكي ودمعتك يعز عليها تنزل...حتى الدوع عندها كبرياء
يوم ما تتنازل عن أخر متعة فحياتك دا معناه أنك لازم ترحل و الرحيل عندي
ان عنيه و قلبى ميشوفوش ومايحسوش الضحكة بجد
و لو مقدرتش تضحك متدمعش ولا تبكيش
أهم حاجة تعرف تحس ....و تحب الحياة
مرسلة بواسطة امرأة من عبير الورد @ ٥:١٢ م
2 تعليقات:
مدونة رائعة
تحياتى
الحياة هى ضحك ودموع
وما دون ذلك يسقط
ينسى
لحظات الفرحة الحقيقية والحزن الحقيقى هى الحياة المختصرة لكل بنى آدم
دون أدنى مبالغة
تحياتى مرة أخرى
كلام جميل
بس السؤال اللي نط على دماغي وأنا بقرأ البوست بتاعك هو إن علاقتنا مع الحياة .. وميلنا للحزن أو الفرح بمعزل عن الظروف ، قدر ولا مصير ؟؟
بشكل تاني هل الحياة هيَّ اللي بتخطف مننا متعها وضحكتها وكل حاجة حلوة فيها حتى نترك آخر متعة ونرحل ، أم أنَّ الأمر مجرد اختيار يخصنا .. اختيار يتحدد ويتكون مع الأيام وبيخلينا مع الوقت مش قدرين نجري ورا الجمال أو نشوف المتع الحياتيَّة أو نحرك عضلات الوجه من أجل ضحكة صافية قد تخرج من القلب ..
أعتقد شخصيَّاً إن التانية هيَّ الأصح ، علاقتنا بالحياة أشبة بماتش كورة طويل أوي ، في وقت بنتعب من الجري وبيكون الاختيار لنكمل .. لنقف .. كتير بنختار التانيَة بحثاً عن الراحة والتقاط الأنفاس ، بس اللي مش بنعيه بسهولة إن الحياة مش هتقف تستنانا ولا في فرصة إنك تاخد رست ، يا تجري بكل قوتك وتتحمل الوقعات والضربات وحركات النص كم واللعب غير الشريف ، يا تقف !!
أتمنى إن كلنا يكون عندنا قدرة الاستمرار ، ويكون عندنا قدرة على المناهدة مع الحياة في سبيل كل ضحكة وكل فرحة حقيقيَّة داخلة وخارجة من القلب ، الخاجات الصادقة والنجوم المنوَّرة في الحياة بتفضل موجودة ، ربك اختار إن الشمس تطلع كل يوم تنوَّر الدنيا من بعد ليل ، يبقى الموضوع يخصنا إحنا .. قلوبنا اللي تقدر - باختيار - تشوف النور والجمال أو متشوفش ، أهم حاجة - رغم أي ألم أو حزن أو ضعف أو شعور بلا جدوى - تعرف تحس .. وتحب الحياة ..
===
كلامك بسيط ، صادق ، وبيمس القلب ..
اعتبريني دايماً من متابعي حضرتك !
أشكرك فعلاً على فتحك للمدوَّنة دي ، وكل حج وانتِ طيَّبَة :)
والسلام ليسَ الختام ....
محمَّد المصـري
إرسال تعليق
الاشتراك في تعليقات الرسالة [Atom]
<< الصفحة الرئيسية