حالة خوف

حالة خوف ...!

بحب البحر وبخاف منه ... فعز النور بيحضني ... وفعز الليل بيفزعني

فأحلامي ... بيخنقني ....

و زي حطام المركب بيلعب بيا شويه فوق الموج و شوية تحت العمق بمليون فرسخ فأحزاني

بحب البحر .. وبخاف ..

ما أنا بشر لازم افضل بين الراحة والخوف........!

و لما رماني البحر على شط خالى من الكل البشر لاقيته ....... حبيته ............ حسيت أنه نقطة النور ... الخارج من خيالي.... و فعز الحب بينا ... فجأة أختفى رسمتله صورة فمراية ... و قعدت ادقق فملامحة ... لاقتني رسمت مسخ دميم ... حركت أيدي لايته حركها ساعتها عرفت أنه أنا

و فعز ما قلبى رق خفت من صورة الحب متجيش من جديد .... قررت أخلي حبي جوايا ... ميتعرضش للضوء .. لا يتحرق زي جلدي من شمس الشطوط ... و خليت الحب جواية .... زي زيوس لما خاف علي أبنه من فساد الحياه ... فكلوا من غير ميندم لحظة .....